من الاسئله اللى بتيجى على رسائل الصفحة

من الاسئله اللى بتيجى على رسائل الصفحة

---------------------------------------------------

1-انا عندى العصافير مش راضيه تبيض اعمل ايه مع العلم انهم بالغين و سنهم كويس؟

--------------------------------------------------------------------------

ج-جرب طريقة العزل يعنى انت تعزل النتايه فى قفص تانى و تكون ادام الدكر يعنى يشوفو بعض لمدة 10 ايام و فى اليوم اللى هتدخل فيه النتايه اليوم دا تجوع النتايه جدااااااااا و يكون الدكر واكل و شبعان على الاخر و بعدين تشيل من عنده الاكاله (قصدى يعنى لما تتاكد انو واكل و شبعان تشيل الاكاله متجوعوش) و دخل النتايه عليه و استنى شويه بتاع نص ساعة كده و حط الاكاله لو لقيتهم فى مناوشات كده كرر العملية من جديد.

2-يا ادمن انا العصافير بتبيض بس البيض فاضى؟

----------------------------------------------------

ج:اديهم جرجير و ه سيلنيوم الجرجير مرتين فى الاسبوع فقط.

ال ه سيلنيوم دا تديهم 5 نقط على المسقاه لمدة 5 ايام فقط و تعد 10 ايام بعد اليوم الخامس و تكرر العملية دى.

3-كم يوم ترقد الانثى على البيض؟؟

--------------------------------------

ج:من 18 الى 21 يوم و عد من اخر بيضه النتايه حطتها يعنى النتايه باضت النهارده عد من اول بكره معاده الزيبرا النتايه بترقد من 13 الى 15 يوم فقط.

4-الحقنى يا ادمن الزغاليل طلعت من غير ريش اعمل ايه؟؟

-----------------------------------------------------------------

ج:الحل انك تعمل بيض بالبقسماط مرتين فى الاسبوع + فيتامين اد3ه + املاح معدنية.

5-انا عايز اريح النتايه من الشغل اعمل ايه؟؟

-----------------------------------------------

ج:ناس تقلك اعزل الدكر عن النتايه و يكونو شايفين بعض عشان يشتاقو لبعض و يشتغلو بسرعه فى الشتاء و ناس تقول شيل العش و ريح نفسك

عادى الطريقتين #صح

6-عندى عصفور عندو اسهال اعمل ايه؟؟

------------------------------------------

ج:يتم العزل فورا و يوضع له مضاد حيوى طبيعى _مضاد حيوى طبيعى = ثوم بالليمون) .

7-كم بيضه تبيض انثى البادجى؟؟

-------------------------------------

ج:من 4 الى 7 بيضات و فى نتى بتبيض اكتر من كده

8-الزغلول بيتم فطمه امتى (البادجى-الاسترالى)؟؟

------------------------------------------------------

لما يطلعله ريش و تتأكد انو بياكل لوحده و بيعرف يعتمد على نفسه و غالبا بيتم كل دا بعد 45 يوم.

----------------------------------------------------------------------

انا بستخدم ال فيتا مونت علطول 4 ايام اسبوعيا و ممكن يوم من ال 4 ايام احط ثوم بالليمون لانوا مكمل عذائي للعصفور و الجزر و الخيار بيتبشرو بالمبشره و اخلطهم و حطهم للعصافير معلقه لكل جوز في الماكله حماده اشرف