نشرح مراحل الافراخ بالاسابيع مثلا الاسبوع الاول والثاني -- الخ -- الخ - الخ وشلون تغذيها بالطريقه الصحيحه ونعتني بيها وننطيها الفيتامينات
والها اهميه بمراحل نمو البادجي
نبدي الشرح بسم لله
في الاسبوع الاول
نتركه وما نقدم شي اله خلي الام والاب هما يوكلوا
هسه نجي الفراخ بسبوعه الثاني
ننطي القمح المنقوع بالمي ونخلي خضروات قليله ونكدر نستخدم الاملاح المعدنيه بالمي لتقويه منبت الريش لمده ثلاث ايام متتاليه
هسه نجي للاسبوع الثالث من عمر الفرخ
ميختلف عن الاكل السابق اني اقصد الاكل ننطي للام والاب وهما يكملوا التغذيه للافراخ
الفرخ بهذا العمر يطلع راسه من البيت ويريد يكتشف شكو ماكو منا منا طيره عجبته ويكدر يطلع اذا جان من الافراخ الشجاعه هذا وارد جدا
هسه نجي للاسبوع الرابع من عمر الفراخ
بهاي الفتره يكون الريش يريد يكتمل ننطي خضروات والفواكه لان بهاي الفتره بالتحديد تنطي للريش شكل حلو جدا ويلمع وننطي بيض بالبقسماط والقمح المنقوع بالمي
وتكثرون من الخبر المبلل لان حتى يسهل للفرخ ان ياكل بوحده وبهاي الفتره نخلي فيتامينين هما
الاملاح المعدنيه وفيتامين ه سيلينيوم لان بهاي الفتره الاب والام راح يلتهون بالتجهيز بمرحله ثانيه من وضع البيض
وهاي الفيتامينات تنطي خصوبه للذكر وتمنع ظاهره كبس البيض وبنفس الوكت تفيد الفراخ
ملاحظه من ناحيتي ما احب اخليها تبيض مره ثانيه لان حيصير عليها ثكل وتعب وارهاق
وهسه دخلنا بالاسبوع الخامس
بهاي المرحله من الاسبوع الخامس الافراخ تستعد للفطام راح تشوفوا ياكل بوحده ويعتمد على نفسه ويبدي يعتمد على نفسه بالطيران
والاكل بهاي الفتره يكون نفس الاكل الي ننطي للبادجي البالغ دخن او خلكات انتوا ماشين عليها وتقدموها لطيوركم
ونشيله ونخلي بغير قفص حتى لا يفسد البيض الي خلته الانثى مره ثانيه وهذا الشي يحدث غالب
Post a Comment